ejaJOBSKthehu te faqja

Politika e privatësisë

Përditësuar më 17 nëntor 2026

Eja Jobs është një platformë në Kosovë që lidh firmat dhe personat privatë me punëtorë për punë ditore, javore dhe mujore. Kjo faqe shpjegon çfarë të dhënash mbledhim, pse i mbledhim, kush i sheh dhe si mund t'i fshish.

Kontakti për çdo pyetje rreth të dhënave:
info@ejajobs.com

1. Çfarë të dhënash mbledhim

Kur hyn me Google. Nga Google marrim vetëm adresën tënde të emailit, emrin dhe fotografinë e profilit të llogarisë. Nuk marrim fjalëkalimin tënd të Google dhe nuk kemi qasje te emailet, kontaktet apo skedarët e tu.

Kur krijon profilin. Ruajmë atë që shkruan vetë:

Kur përdor platformën. Ruajmë shpalljet e punës që poston (me datën, orarin, fshatin ose lagjen, përshkrimin e punës dhe, nëse e shkruan, lokacionin e saktë), aplikimet, pranimet, vlerësimet me yje, raportimet që dërgon për shpallje të papërshtatshme, punët që ruan me zemrën, datën kur ke pranuar Kushtet e përdorimit, dhe njoftimet që të krijohen kur dikush aplikon për punën tënde ose kur aplikimi yt pranohet apo refuzohet.

Nuk kërkojmë dhe nuk ruajmë numrin personal të letërnjoftimit, të dhëna bankare ose të dhëna shëndetësore.

2. Pse i përdorim

Nuk i shesim të dhënat e tua dhe nuk i përdorim për reklama.

3. Kush i sheh të dhënat e tua

4. Ku ruhen të dhënat

Të dhënat ruhen te shërbimi Supabase, në serverë brenda Bashkimit Evropian. Faqja shërbehet përmes GitHub Pages, i cili si çdo shërbim interneti mund të regjistrojë adresën IP të vizitorit. Hyrja kryhet përmes Google.

5. Çfarë ruhet në pajisjen tënde

Faqja nuk përdor cookies për reklama ose ndjekje. Në shfletuesin tënd ruhen vetëm gjuha që ke zgjedhur, sesioni i hyrjes dhe, përkohësisht, puna për të cilën ke filluar të aplikosh para se të hysh.

6. Sa gjatë i mbajmë

I mbajmë të dhënat për sa kohë e ke llogarinë. Llogarinë mund ta fshish vetë në çdo kohë te "Llogaria" → "Fshi llogarinë". Me fshirjen hiqen menjëherë profili, kontaktet, shpalljet, aplikimet dhe vlerësimet e tua. Nëse nuk hyn dot në llogari, na shkruaj dhe e fshijmë ne brenda 30 ditësh.

7. Të drejtat e tua

Ke të drejtë të dish çfarë të dhënash kemi për ty, t'i korrigjosh, të kërkosh fshirjen e tyre dhe të tërheqësh pëlqimin. Shumicën e të dhënave mund t'i ndryshosh vetë te "Llogaria". Për gjithçka tjetër na shkruaj në info@ejajobs.com.

Nëse mendon se të dhënat e tua janë trajtuar gabim, mund të ankohesh te Agjencia për Informim dhe Privatësi e Republikës së Kosovës.

8. Mosha

Për t'u regjistruar si punëtor duhet të kesh së paku 15 vjeç. Prandaj kërkojmë vitin e lindjes. Personat nga 15 deri në 18 vjeç mund të pranojnë vetëm punë të lehta dhe jo të rrezikshme, sipas ligjit të punës në Kosovë.

9. Ndryshimet e kësaj politike

Nëse e ndryshojmë këtë politikë, versionin e ri e vendosim në këtë faqe me datën e përditësimit.